Su in Tnuu kanta ka'ni saava ñayivi Ñuu Kuiñi, ku ja iyo vika uxiko un kuiya jin ente oko u'un kuiya ja ni ichi yata ja, nka yuntaa ntuku oko una tee, ku jin tniñu, nuu kantu tutu'de ini ñuu, ka kan'de nte tee ku jin tniñu, kua xen'de ka ku tatnu, ka so'de in bastó jin yutnu ka kuu vara'de, su ja kanká ñayivi ni janu chi un kua ko'de kua kin'de in ñayivi kasa'a in kuechi, ka so'de ntaka basto´de jin uu vara'de, ntaka ñayivi kajini ja kua ko'de kua kin'de in tee sa'a kuechi, suni ma teke kivi kuechi siki'de tuka ka kan'de kua ko'de ve'e komú, su ve'e tniñu kantu´de in ichi ka jente'de kuechi ñayivi. Nuu in kuechi tuni ku yunka ka xia'de kenta ente Ntinú.

Vitna sa'ni Ñuu Kuiñi kanta ntu'de tee Tniñu ntaka uno domingu yoo iñu ja nuu Kuiya kanta ntu'de tee ku jin tniñu nuu ñuu jin tee ji sa'a viko nuu ñuu, suni ntaka uni domingu yoo uni kanta ntuku'de tee ku jin tniñu ve'e si kuá, saava koo iñu yoo ji ko'de juinka, xi sa'a tu'va'de ntaka tniñu ve'ede , saava ku jin'de tniñu nuu in kuiya, tee tniñu komú kivi ko'de kuiya jaa, kivi in yoo enero, e tee ku jin tniñu ve'e sikuá kivi ko'de in yoo kivi in yoo septiembre, in kuiya ka jin'de tniñu suni kuu ku jin'de inka kuiya nuu va'ni ka sa'a tniñu'de, su ñayivi ma ñuu ta'vi tniñu suni ku ntiviko'de inka kuiya.