 |
 |
 |
 |
|---|
Suun ve'e nuu ñu'u ntaa tniñu jana'á ya nani Ñuu Kuiñi, XI Yuku nuu iyo Kuiñi yu jiyo oko kilometro nta ketná inú nuu nka jiyo ñayivi jana'á,yaa, vitna tnaá sa'ni nuu nka yu jiyo ve'e jana´á, su ku tnuu ja yuku sunku nii kanta sa'a ntá ñayivi jana'á yunka nkasa'í ve'í su nuu kanteo Ñuu Savi, suni ji kotoí ente nuu sunku nuu tuu stó ji sa'a u'uí.
Ñuu Kuiñi yuu ku in ñuu Kanu tuni, yu jiyo xini yuku nuu jiyo kuiñi, yu nka jito ntaka lado , janu ente ve'si uxi uni hectárea nuu ñu'ú nka yu jiyo ja uu mil uún ciento xi uni mil ciento ñayivi nka yu jiyo jana'á su Ñuu Kuiñijana'á.
Su nuu yu jiyo ñuu jana'á ya nkaa inn tnu'u kanu'u ko suni nuu yu jiyo in ñuu ií, ko suni nka ja ñuu ya yu jiyo yatni nuu iyo vikoo, yu luu tuni ka. ente chii yuku Ñuu Kuiñi nkayuu sa'a tniñu nuu itu.
Suu va'a tuni yuca nuu yu jiyo Ñuu Kuiñi su ichi nuu Ñuu Sa'an savi Ichi sin yuku yu jiyo in ichi nuu yu yiko sunku joo nka yu jiyo ve'e nuu nka yu jiyo ñayivi nka yu t'avi tniñu jin ñayivi Kanu tuni, suni ntiji ka ja nka yu jiyo nuu nkayuntuji ntiyi, ichi nka yu jika, nuu kueyi kaa ká, nuu yu jiyo nuu nka yuca sikii in tilú luli jin gachí nee nuu ñii kantaní tilú ka ka siki, suni jiyo yuu un nka yu té ntaka nka yu sa'a.
Vitna ja nka jete yuku yunka nkataní nta tniñi jana'á, uu jatnuu yuu nuu nka yu ntujin tee Kanú jana'á, yunka kuu ja ente sa'ani kuu ja nkayutní in tnuú ja nka yu chi ntiji ntiyii ini ve'e xi ini ve'e ñu'u.
Inka tnuu ja ka ntaní nuu yu jiyo ve'e jana'á ya'a ku kantaní kua'a koo jana'á, kivi, nuu yu jiyo ntó nuu yukayu ñu'uu, kanta nií koo kú, suni kantaní in yuu tilú ja iyo chiin yu'u.
Ja tu xiu'un tu kantaníi ntka nta tniñu jana'á ka yu ntuji tuni, kuu sani yuku já ja tuu ka kee.