Albergues y radiodifusoras Yucatán
Niños mayas y las tecnologías de información y comunicación.
Sitio bolingüe en maya y español
Inicio
Chemax
San Antonio Sodzil
Samahil
Yaxcopoil
Multimedia

CENTROS DIGITALES DE INFORMACIÓN INDÍGENA

Bienvenido al sitio de las radiodifusoras de albergues escolares en Yucatán.

El contenido de este sitio fue realizado por los becarios de los albergues escolares de Chemax, Samahil, Yaxcopoil y San Antonio Sodzil, participantes en el taller “Elaboración de páginas web” celebrado en Samahil del 7 al 11 de noviembre de 2005. En estos albergues, la Comisión Nacional para el Desarrollo de los Pueblos Indígenas gestionó la instalación de Centros Digitales de Información Indígena, en el marco del programa de telecentros e-México, los cuales funcionan desde enero de 2005.

Actualmente, con la instalación de los Centros Digitales de Información Indígena, los becarios de estos albergues tienen la posibilidad de incursionar en el manejo de las tecnologías de comunicación e información.

CH'IIKULO'OB T'AAN TI' KÚCHILO'OB TU'UX KU YANTAL XOK PAALAL MASEWALO'OB TI' U LU'UMIL YUCATAN

K k'amike'ex yetel ki'imak óolal ti' le kuchilo'ob t'aan yan ti' le nahilo'ob tu'ux ku yantal xok paalal ku ho'olpóopta'al tumen le Comisión Nacional utia'al u hóok'esa'al táanil Masewal Kaaho'ob ti' u lu'umil Yucatán.

Le ba'ax ken a xok ti' le pektsila' meta'ab tumen le xok paalalo'ob ti' le nahilo'ob yan tu kaahilo'ob Chemax, Samahil, Yaxcopoil yetel San Antonio Sodzil, takpaho'ob ti le ka'ambesah u k'aaba' “Elaboración de páginas web”ts'a'ab tu kaahil Samahil tu k'iinilo'ob u'uk tak hunlahun ti' u yuil noviembre ti u ha'abil2005. Utia'al u beytal le meyaha' le Comisión utia'al u hóok'esa'al táanil Masewal Kaaho'obe' tu meentah hunp'éel mokt'an yetelCentros Digitales ti' Información Indígena ichil hunp'éel u meyah telecentros e-Mexico káah u meyaho'ob tu yuil enero ti u ha'abil 2005.

Le kanp'éel nahil tu'ux ku yantal xok paalalo'obo' takpaha'ano'ob ti' le kuchilo'ob t'aano' káah u meyaho'ob tu ha'abil 1995. Leti'e ka'ah ts'a'ab tu kaahil Chemax ti le kúuchil “Alfonso Caso” hunp'éel transmisor ku meyah yetel hunp'éel watt u muuk', meenta'ab ti' u chikulil t'aan XEPET. Tu paachil k'iine', ti' u ha'abil 1996 meenta'ab uláak' transmisoro'ob utia'al u chíikulilo'ob t'aan Samahil Yaxcopoil yetel San Antonio Sodzil. Ti' u ha'abil 1997 le Instituto Nacional Indígenistao' tu k'amah u hu'unilo'ob utia'al u meyaho'ob he'ebix u ya'alik le A'almeh t'aano, he'ebix kúuchilo'ob t'aan utia'al xok paalalo'ob.

Ti' u ha'abil 2000 ku ma'anal transmisoro'ob ku meyah yetel lahun watt lalah hunp'éel.

Behla'e' le Comisión Nacional utia'al u hóok'esa'al táanil Masewal Kaaho'obe' ti' leti' k'u'ub u páahtalil u yilik u lah meyaho'ob.

Yetel u tumben nu'ukulil u meyah behla'e'. U náachil u k'uchul u yu'uba'al lalah hunp'éel chíikulil t'aane' ku chukik tak ho'lahun kilómetros u ba'apach. Yetel lela' ku ba'pachtik tak ho'lahun kahtalilo'ob ku yu'uba'al ti' FM.

Tu yáax chuune' ila'ab u takpahal le xok paalalo'ob utia'al u meyahtiko'ob le chíikulo'ob t'aana' u ts'aiko'ob u paaxil u t'aanil yetel u meentiko'ob nu'ukbesaho'ob. Ti' le lahun ha'abo'ob ts'o'ok u máana', maanal lahunk'aal paalal ts'o'ok u meyahtiko'ob le chíikulil t'aano. Hunp'éel ba'al hach uts u yila'ale', tumen lalah ha'abe' ku lah k'expahal le paalalo'ob ku meyahtiko'obo' tumen ken u ts'o'okeso'ob u primaria, secundaria yetel ti u ha'abil 2005 tak xan u bachillere' ku bino'ob táanxel tu'ux xooke', ku yokol uláak' paal u meyahte lebetik ya'ab paalal ku yayantik u yookol t'aan te'e chikulil t'aano'.

Ti' le lahun ha'aba', ts'o'ok u ts'a'abal ya'ab ka'ansah tio'ob he'ebix utia'al u meentiko'ob nu'ukbesaho'ob, u ts'a'abal u paaxil, u k'ahóoltiko'ob le paaxo'obo', bix k'abéet u pa'axal yetel u ma'alob meyahta'al le nu'ukulo'obo'.Tuláakal lela' ts'a'ab tio'ob tumen u ah meyahilo'ob XEPET yetel CCDI tu'ux xan ku meyaho'ob letio'ob.

Behla'e' múuch' yetel le Centros Digitales ti Información Indígenao' yan tio'ob u páahtalil u k'ahóoltiko'ob internet, yetel u meyahtiko'ob xan u péektsilil ti' u chíikulilo'ob t'aan.

Descargar Real Player.  Busca la versión gratuita.
Para escuchar la música necesita instalar en su equipo el reproductor de Real Player.
Si aún no lo tiene instalado hágalo desde aquí.